كاتب عام مساعد جامعة الكهرباء : لازم 10 الاف و 100 مليار لتلافي انقطاع الكهرباء هذا الصيف

أكد كاتب عام مساعد الجامعة العامة للكهرباء والغاز سليم بوزيدي، امس الاثنين 16 ماي 2022، أن الحرب الأوكرانية الروسية وارتفاع أسعار النفط والغاز في العالم إلى جانب ارتفاع سعر صرف الدينار، جعل الدولة التونسية والشركة التونسية للكهرباء والغاز في وضعية حرجة، استدعت اطلاق الجامعة العامة لصريحة فزع تحذيرا من انقطاع الكهرباء عن تونس مستقبلا.
وقال البوزيدي في حوار على إذاعة إي أف أم صيحة فزع أطلقتها الجامعة العامة فيما يخص شراء الغاز من الأشقاء الجزائريين… انتاج الكهرباء يتأتى من زوز حاجات الغاز الوطني والجزائري 70 بالميا من الغاز الجزائري و30 بالميا من الغاز الوطني.. في ميزانية 2022 اللي قدمتها الشركة في شراء الغاز الطبيعي كدعم من الدولة ما يقارب 2200 مليار، قسمتهم وزارة المالية 1600 مليار كدعم مباشر تعطيهولنا الدولة و600 مليار تعملو الشركة تعديلات الأسعار والزيادة في معاليم استهلاك الكهرباء في 2022 اللي بدات من 1 ماي 2022… تبقينا في الـ1600 مليار نظرا للحرب اللي موجودة بين أوكرانيا وروسيا أسعار الغاز تحولت بشكل مشط للغاية اذا التوقعات اللي هوما يستندوا أساسا على سوم برميل النفط اللي هو 75 دولار و2.8 اللي هو سعر صرف الدولار… هاذوما الزوز كي طلعو البرميل ولا ل110 وسعر صرف الدولار ولا 3.11… اليوم بالمعطيات الجديدة، واللي هي الغاز الجزائري زاد بنسبة 50 بالميا، أصبح يلزمنا 10.100 مليار بش نوفروا الكهرباء بصفة مسترسلة من هنا للصيف، الـ10.100 مليار هي رقم خيالي لا تقدر عليه الستاغ ولا الدولة لأنو المبلغ يمثل خمس ميزانية الدولة وهذا علاش أطلقت الجامعة العامة للكهرباء والغاز صيحة فزع في الموضوع هذا.. يعني أحنا يلزمنا بش نوفرو الكهرباء للصيف يلزمنا زيادة مشطة ومشطة للغاية على فاتورة الكهرباء والغاز.. السؤال مطروح للحكومة ويلزم يكون تدخل على أعلى مستوى في الحكومة بش على الأقل نوفروا الكمية هاذي مالفلوس… الأشقاء الجزائريين ديما في حوار معاهم وديما ننطلقوا على قاعدة الأشقاء، أنو يلزم يكون فما حوار بناء على أعلى مستوى بينا وبين الحكومة الجزائرية بش نشوفوا كيفاش تتحلحل الأمور ونوفروا غاز لإنتاج الكهرباء…. السعر أنو يتبدل ما يكونش كيف التقديرات متاع الأشقاء الجزائريين، يعملولنا سوم ويكون تدخل سياسي كبير في المنطلق هذا.

You cannot copy content of this page