بعد اتهامات ارملة سفيان الشعري فرحات هنانة يردّ: “يا مدام الي قاعدة تلوم بيه على الناس رديت بالك على راجلك” (فيديو)

 
ردّ الممثل فرحات هنانة على اتهامات ارملة سفيان بن فرحات بانه توفي وهو غاضب عليه بسبب غدر هنانة له.
وقال هنانة في فيديو نشره على صفحته على الفايسبووك أن ما قالته أرملة سفيان الشعري بأنه “لاصق لصوق” و لم يساهم في شي في العمل” غير صحيح. 
وأوضح فرحات “.. أول مرة بش نحكي فيها الحكاية خاطر لزتني.. الجماعة كان عندهم مسلسل” مفتاح في دقيقة ” اقترحوه على الوطنية و رفضتو قلي سفيان اقرا شوف اش بش نصلحو فيه قريت قتلو ما فيه ما يتصلح.. اجتمعنا نهار في بيرو بوه سي الحبيب الشعري انا و سفيان و صلاح الدين الصيد و يونس الفارحي و المنجي بن طارة الي قالت هي ما كانش معانا و هو ينجم يؤكد كلامي . و قلنا هات نخدمو حاجة جديدة.. بدات الحكاية كي حكيت انا نكتة باللهجة الصفاقسية… ثما شخصيات انا نعرفها في الواقع كيما “الفاهم” راجل كبير ضامر في فرقة صناصيد الدهماني خذيت الاسم و بنيت عليه و “الفركسي” كيف كيف موجود في الكاف هوما ما يعرفوش و هاني لأول مرة بش ننشر وثيقة تثبت الي انا كتبت نسيبتي العزيزة انا و يونس..”
وأضاف فرحات هنانة “العام لول حتى حد من الممثلين ما ناقش العقد متاعو مع قناة نسمة كان سفيان خليناه هو بما انو اسم كبير في الميدان بش يناقش عقودنا ياخي فقت في العام الثاني الي هو ناقش كان لروحو هو و خذا أضعاف اجورنا و عندو الحق خاطرو ضارب و معروف ..اما هو غلطني قال القناة ما عندهمش فلوس و هو ما حكاش علينا بالكل.. انا خذيت 20 مليون بين سيناريو و تمثيل ياخي كي فقت بالحكاية قلت تو انا نولي اناقش عقدي وحدي مع القناة في الموسم الثاني و يمكن الحكاية هاذي غششتو.. و بربي مدام سهام تنجم تقلي فاش غدرتو انا راجلك رديتني عزرائيل نقتل في العباد..و هي حاجة ربي و قضاء و ساعتو حضرت و انا نعرف الي المرحوم كان عندو السكر و الضغط و مشى تضيف ليلتها عند العايلة الي ذكرتها و استدعاوني انا اما انا نحشم ما نجمتش نحضر.. يا مدام الي قاعدة تلوم بيه على الناس رديت بالك على راجلك و وقفت عليه في ماكلتو ليلتها اش ياكل و ما ياكلش ما فهمتش علاش بعد هالسنين الكل خارجة تحكي في حكاية غالطة .. و هاني حكيت و لزيتوني بش نوضح للناس بش نسكر الدوسي نهائيا “

You cannot copy content of this page