مريم بن مامي ترد على محمد الخماسي : “يلحلحو بيّا بش نطلع معاهم ومن بعد يكذب و يقول طردني.. كذاب و سفيه”

علقت مريم بن مامي على ما قاله محمد الخماسي حول رفضه القيام بلقاء للممثلة مريم بن مامي بسبب وصولها متأخرة للبرنامج و شروطها حول الاسألة التي ستوجه اليها.
وكتبت بن مامي تدوينة على موقعها قالت فيها: “صباح الخير الناس الكل.. حليت مواقع التواصل ولقيت رووس اقلام تقول الي سي فلان طردني!!!
ايا شد عندك اذاعة ifm عملولي هرسلة وعندي الدليل الي هوما يلحلحوا بش نطلع وانا معينيش علخاطر منحبش نتحاور مع صحافيين ميزيدوني شي؛ بالحشمة وافقت اما طلبت منهم بش يعفيوني مال les bad buzعلخاطر طريقة البيوع هذكة وليت نرفضها رفضا تاما… قلتلهم بنتي تخرج مع الساعة الثالثة والنصف يعني الرابعة pile حكاية صعيبة شوية قالولي ايجا برك… جيت مع الرابعة و10دقيقة و ملقيت وين انحط كرهبتي الشنڨال يدور وال parking معبي وقلنا ميسالش alors que normallement يعرفوا الي عندهم مشاكل متاع stationnement مالمفروظ يلقاولو حل اما قلنا ميسالش… نخلط ال ifm نلقا سي فلان بش نتعدا معاه خرجلي مالبيروا ماددلي شفايفو بش يبوسني زعمة زعمة مرحبا بيك اما بالبوس! Chose qui m a choque parceque je ne le connais pas et puis c est pas du tout professionnel !
أنا نغزللو وانقلوا مع شكون ياخي الحوار قالي معيا انا وانا اسمي فلان قتلوا خويا راني انا نشوفك ساعات فال fil d actualité متاعي وحواراتك ميعجبونيش وهوني يضهرلي من حقي اني نختار الصحافي الي انحب نتحاور معاه.. حسيلوا هو هوني تنبز ومن حقو زادة نتنبز اما بش تكذب وتقول الي انت طردني لا عاد هوني انقلك الي انت كذاب وسفيه وانزيد انقلك الي انت تلوج عال buzعلخاطر انت عندك مدة وانت تحربط على شكون يدزك بش تبرز وانت طافي… انا عمري مطلبت الاسالة et d ailleurs بشهادة اسيادك اسال عليا نوفل الورتاني ، الهادي زعيم ، جيهان ميلاد ، مالك العوني ،سناء الماجري ، عايدة عرب ، رحمة البلدي ، بلال الميساوي
وغيرهم من مقدمين ومعدين…. اخي الفاضل اخدم على روحك ويزي من تقشقيش لحناك الخبزة مرة… صحافيين مبدعين يستحقوا ال micro الي عندك اخدم على روحك وكون فالمستوى خدمة الصحافي مهيش ساهلة يزي مكبيتولها سعدها… اما وراس خويا نهارت الي نستعرفوا بيك كصحافي وقتها اتوا نقبل نتحاور معاك.. و السلام عليكم”

You cannot copy content of this page